Tirsdag og Onsdag arrangerte Matre Idrettslag aktivitetsleir på Baugstranda.16 born var påmeldte,og etter frokost Tirsdag,bar det rett til fjells.Der var det full aktivitet heile dagen.Nokon var i trekket og andre gjekk på ski i dei fine løypene.Ein god pause midt på dagen,med grilling av pølser var populert. Anne Grethe,Marie og Kari Janne var med som leiarar heile dagen.Då trekket stengde for dagen var det berre å pakka sakene saman og returnera med bussen som stod klar å venta.
Onsdag var det frokost og litt friaktivitet.Deretter gjekk turen til Søllesvik. Kurt Reidar og Aslak hadde sett garn,så ungane fekk vera med å trekkja. Det var ei spennande oppleving både for store og små.Fisk vart det og! Ungan fiska og frå land,men det vart ein del slukar som forsvant i sjøen og lite fisk som vart med på land! Men me hadde boller og sjokomelk og i det fine været smakte det kjempegodt.
Etterpå var det full aktivitet i gymsalen på Baugstranda.Amund leia ungane gjennom ei god økt med,fotball,bordtennis,og biljard.Ungane hadde dessutan ingen problem med å aktivisera seg sjølv,så det var full rulle heile tida.
Deretter var det mat å få.To representantar frå 'drøsekvelden' var så greie å laga middag til heile gjengen.Etter ein lang dag smakte det kjempegodt med spaghetti og kjøttdeig. Og etter å ha tømt grytene var det klart for utdeling av diplom,premiar og felles bilde av alle borna som dei kunne ha som eit minne frå aktivitetsleiren! Tusen takk til alle som stilte opp som leiarar. Trur nok det var ei kjekk oppleving for dei og.Leiren vart sponsa av: Lundal,Tine,Kavli og 'drøsekvelden'
